Музей пад адкрытым небам «Тэрыторыя сэнсаў» прадставілі ў Дзяржынску
19 верасня, Дзяржынск . Музей пад адкрытым небам «Тэрыторыя сэнсаў» прадставілі 19 верасня ў Дзяржынску,
Восем шкляных вітрын, у якіх прадстаўлены работы майстроў Мінскай вобласці, склалі ўнікальны музей пад адкрытым небам. Экспанаты яго будуць мяняцца, што дасць магчымасць жыхарам і гасцям горада бліжэй азнаёміцца з творчасцю таленавітых жыхароў рэгіёна.
Цяпер тут прадстаўлены вырабы майстра па дрэве з Бярэзінскага раёна Яўгена Осіпава, шэдэўры з саломы з Клецка і Маладзечна, беларуская дуда з калекцыі дзяржынскага музыканта Руслана Пекава, які сабраў больш за 200 інструментаў з розных краін, унікальны драўляны гадзіннік Андрэя Мартынюка і інш.
Цікава, што ў музеі пад адкрытым небам таксама экспануюцца вырабы майстроў з абмежаванымі магчымасцямі здароўя.
Фота Яраслава Зарэцкага
