Лукашэнка заклікаў рабіць стаўку на айчынных хакеістаў і нагадаў аб методыцы легендарнага Тарасава
16 чэрвеня, Мінск . Прэзідэнт Беларусі Аляксандр Лукашэнка на нарадзе аб развіцці хакея звярнуў увагу на вялікую колькасць легіянераў, і ў тым ліку ў хакейным клубе «Дынама-Мінск»,
«Дзе нашы 23-25-гадовыя? Жэня (дзяржаўны трэнер нацыянальнай каманды па хакеі з шайбай Яўген Ворсін. — Заўвага ), дзе людзі нашы? Чаму не бачаць тое, што ў нас ажно палова каманды — імпартныя? У вас што, лішнія грошы — плаціць амерыканцам, расіянам і іншым. Гэта ж вы не ўлічваеце, што ў расійскім хакеі 5 чалавек абмежаванне на легіянераў, а ў нас гэтага няма. У нас ажно 14 чалавек расіян і іншаземцаў (з іншых краін, акрамя Расіі. — Заўвага ). Дык як мы будзем развіваць свой хакей, як будзе зборная гуляць потым?» — паставіў пытанне кіраўнік дзяржавы.
«Я вам сказаў, што там павінны быць свае», — падкрэсліў беларускі лідар.
Аляксандр Лукашэнка расказаў, што спытаў у аднаго з трэнераў пра падыходы да падрыхтоўкі ў міжсезонны перыяд па аналогіі з методыкай выдатнага савецкага трэнера Анатоля Тарасава. Кіраўнік дзяржавы пацікавіўся, чаму так не робяць цяпер.
«Ён шчыра кажа: «А нашы не вытрымаюць гэтага», — перадаў падрабязнасці размовы Прэзідэнт. — Дык навошта нам такія спартсмены і хакеісты? Сёння палова міжсезонкі прайшла, а ў вас няма ні каманды, ні трэнера. Як вы будзеце рыхтавацца да сезона? Яны на «зямлі» павінны быць падрыхтаваны да сезона. А вы не гатовы. Хто ў Турцыі, хто ў Эміратах, хто дзе — адпачываеце». 
