Гарачыня спадзе, прыйдуць навальніцы. Сіноптыкі папярэджваюць аб змяненні сцэнарыя надвор’я
29 чэрвеня, Мінск . Як хутка ў краіне спадзе спёка, расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
«Усталяванае ў Беларусі анамальна гарачае надвор’е ў другой палове тыдня пойдзе на спад. Паказанні тэрмометраў у мінулую нядзелю ўпершыню ў гэтым годзе дасягнулі небяспечных адзнак 35-38 градусаў. І сёння, 29 чэрвеня, надвор’е прадоўжыць выпрабоўваць беларусаў летняй спёкай (дзейнічае чырвоны ўзровень небяспекі), а таксама перапісваць кліматычны летапіс, чарговы раз абнаўляючы сутачныя і месячныя тэмпературныя рэкорды чэрвеня. Начныя мінімумы будуць вагацца ад плюс 12 да плюс 23 градусаў, а дзённыя максімумы складуць плюс 27-34, у паўднёва-заходніх і паўднёвых раёнах паветра прагрэецца да плюс 35-37. У сувязі з неспрыяльнай гідраметэаралагічнай з’явай на дзённыя гадзіны 30 чэрвеня — 1 ліпеня (аўторак — серада) аб’яўлены аранжавы ўзровень небяспекі. Разам з тым у такім гарачым і няўстойлівым паветры не абыдзецца без ападкаў у спалучэнні з навальніцамі і моцным парывістым ветрам», — расказалі ў Белгідрамеце.
У аўторак, 30 чэрвеня, будзе пераважна без ападкаў, толькі ноччу месцамі па паўднёвым усходзе краіны пройдуць кароткачасовыя дажджы, прагрымяць навальніцы. Тэмпература паветра ноччу складзе 17-23 градусы вышэй за нуль, днём будзе ад плюс 27 градусаў па поўначы да плюс 37 градусаў па поўдні.
У сераду, 1 ліпеня, ноччу будзе пераважна без ападкаў, раніцай і днём у асноўным па заходняй палове краіны пройдуць кароткачасовыя дажджы. Днём у асобных раёнах па захадзе чакаюцца моцныя дажджы. Днём месцамі прагрымяць навальніцы, пры навальніцах прагназуецца ўзмацненне ветру з парывамі 15-20 м/с. Тэмпература паветра ноччу складзе ад плюс 12 градусаў па поўначы да плюс 23 градусаў па поўдні, днём будзе 27-34 градусы вышэй за нуль, па паўднёвым захадзе — да плюс 36.
«2 ліпеня сітуацыя ў краіне пачне мяняцца. Умовы надвор’я будуць вызначаць франтальныя раздзелы, якія павольна перамяшчаюцца ва ўсходнім напрамку, услед за якімі ў дзённыя гадзіны пачнуць паступаць больш халодныя паветраныя масы. Таму ў зоне тэмпературных кантрастаў прагназуецца актыўная канвектыўная дзейнасць: на большай частцы тэрыторыі пройдуць кароткачасовыя дажджы, месцамі чакаюцца моцныя дажджы, навальніцы, узмацненне ветру з парывамі 15-20 м/с, днём магчымы град. Тэмпературны фон, пачынаючы з заходніх раёнаў, стане паніжацца і на сярэдзіну дня будзе вагацца ад плюс 20 градусаў па захадзе да плюс 35 градусаў па паўднёвым усходзе», — растлумачылі сіноптыкі.
У чацвер, 2 ліпеня, на большай частцы тэрыторыі краіны пройдуць кароткачасовыя дажджы, месцамі моцныя. У асобных раёнах прагрымяць навальніцы, пры навальніцах прагназуецца ўзмацненне ветру з парывамі 15-20 м/с, днём магчымы град. Тэмпература паветра ноччу складзе 15-21 градус вышэй за нуль, па паўднёвым усходзе — да плюс 23, днём будзе ад плюс 20 градусаў па захадзе да плюс 35 градусаў па паўднёвым усходзе.
«3-5 ліпеня ў выніку паступлення больш халодных паветраных мас з паўночнага захаду Еўропы чакаецца далейшае паніжэнне тэмпературнага рэжыму. Калі 3 ліпеня дзённы фон тэмператур акажацца ў межах 20-27 градусаў, па паўднёвым усходзе месцамі да плюс 29, то 5 ліпеня не перавысіць 16-23 градусы. Разам з тым франтальныя раздзелы, якія перамяшчаюцца праз тэрыторыю нашай краіны, абумовяць кароткачасовыя дажджы ў большасці раёнаў краіны, месцамі з навальніцамі. У начныя і ранішнія гадзіны ў вільготным паветры ў асобных раёнах краіны будуць згушчацца непрацяглыя туманы», — падзяліліся прагнозам у Белгідрамеце.
У пятніцу, 3 ліпеня, ноччу месцамі, днём на большай частцы тэрыторыі краіны пройдуць кароткачасовыя дажджы, месцамі прагрымяць навальніцы. Ноччу і раніцай у асобных раёнах магчымы слабы туман. Тэмпература паветра ноччу складзе ад плюс 10 градусаў па поўначы да плюс 21 градуса па паўднёвым усходзе, днём будзе 20-27 градусаў вышэй за нуль, па паўднёвым усходзе месцамі да плюс 29.
У суботу, 4 ліпеня, у многіх раёнах краіны пройдуць кароткачасовыя дажджы. Месцамі прагрымяць навальніцы, ноччу і раніцай магчымы слабы туман. Тэмпература паветра ноччу складзе 9-14 градусаў цяпла, па паўднёвым усходзе — да плюс 17, днём будзе 17-24 градусы вышэй за нуль.
У нядзелю, 5 ліпеня, ноччу месцамі, днём на большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы, ноччу і раніцай магчымы слабы туман. Тэмпература паветра ноччу складзе 8-13 градусаў цяпла, днём будзе 16-23 градусы вышэй за нуль.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
