Іпатаў: на Мінск раўняюцца ўсе гарады нашай краіны
12 верасня, Мінск . На сталіцу сёння раўняюцца ўсе гарады нашай краіны, прыгажэючы і прымнажаючы свае лепшыя традыцыі. Гэта падкрэсліў намеснік старшыні Палаты прадстаўнікоў Нацыянальнага сходу Рэспублікі Беларусь Вадзім Іпатаў, які прыняў удзел ва ўрачыстасцях з нагоды Дня горада ў Мінску,
Як адзначыў Вадзім Іпатаў, перад надыходзячым Днём народнага адзінства пачатак урачыстых мерапрыемстваў ля стэлы «Мінск — горад-герой» у Дзень горада — гэта перш за ўсё дэманстрацыя адзінства народа. 
«Мы разумеем, які каварны вораг напаў на нашу зямлю, і абеліск з’яўляецца не толькі помнікам воінскай славы, але і працоўнай. Ворагі хацелі разбурыць нашу сталіцу, сцерці яе з зямлі, як тысячы вёсак і пасёлкаў нашай краіны. Але мы паўсталі з попелу, адстаялі сваю незалежнасць, аднавілі горад і краіну. І сёння мы бачым, якія яны прыгожыя — гэта ўсё вынік працы нашых людзей», — адзначыў Вадзім Іпатаў. 
Ён таксама падкрэсліў, што ўсе гарады Беларусі прыгажэюць, прымнажаюць свае слаўныя традыцыі, раўняючыся на Мінск.
Фота Сяргея Шэлега
