«Фармат, якога няма ў іншых краін». Снапкоў пра дружалюбны сямейны абед Лукашэнкі і Сі Цзіньпіна
Мікалай Снапкоў 29 чэрвеня, Пекін . Дружалюбны сямейны абед Прэзідэнта Беларусі Аляксандра Лукашэнкі і Старшыні КНР Сі Цзіньпіна — гэта фармат, якога няма ў іншых краін. Аб гэтым журналістам заявіў першы намеснік прэм’ер-міністра Мікалай Снапкоў,
«Я з задавальненнем зраблю на гэтым акцэнт, таму што дружалюбны сямейны абед адбываецца толькі паміж лідарам нашай краіны і таварышам Сі Цзіньпінам. Гэта якраз той фармат, якога няма ў іншых краін. Мы вельмі ганарымся і з павагай ставімся да такога фармату, — падкрэсліў Мікалай Снапкоў. — Нягледзячы на цёплы сямейны фармат, абмяркоўваўся спектр усіх узаемаадносін — эканамічных, палітычных».
Паводле слоў першага віцэ-прэм’ера, лідары дзвюх краін таксама ўдзялілі ўвагу сітуацыі ў рэгіёне. «Усіх цікавіць, што адбываецца ў нас. Я мяркую, што і лідар Кітайскай Народнай Рэспублікі таварыш Сі Цзіньпін, і ў прынцыпе сусветныя лідары разумеюць глыбіню, мудрасць, веданне сітуацыі Прэзідэнтам нашай краіны. Нездарма мы пастаянна чуем аб тым, што да яго прыязджаюць пасланнікі, давераныя асобы, якія раяцца, кансультуюцца, удакладняюць», — адзначыў ён. Мікалай Снапкоў расказаў, што на гэтай сустрэчы ў тым ліку былі абмеркаваны пытанні рэгіянальнага парадку дня.
Як паведамлялася , 29 чэрвеня ў Пекіне прайшла рабочая сустрэча Прэзідэнта Беларусі Аляксандра Лукашэнкі са Старшынёй КНР Сі Цзіньпінам. Лідары дзвюх краін далі высокую ацэнку ўзроўню супрацоўніцтва Мінска і Пекіна і абмеркавалі яго перспектывы.
Пасля рабочай сустрэчы размова прадоўжылася за традыцыйным сямейным абедам. Гэты фармат выходзіць за рамкі дыпламатычнага пратакола і з’яўляецца знакам асаблівага асабістага даверу паміж Прэзідэнтам Беларусі і Старшынёй КНР.
