ЕЭК вызначыла агульныя патрабаванні да работнікаў унутранага воднага транспарту ў ЕАЭС
Фота з архіва 9 чэрвеня, Масква /Эдуард Півавар . Еўразійская эканамічная камісія вызначыла агульныя патрабаванні да работнікаў унутранага воднага транспарту ў Еўразійскім эканамічным саюзе. Аб гэтым паведамілі у прэс-службе ЕЭК.
«На пасяджэнні Калегіі ЕЭК прынята рэкамендацыя «Аб кваліфікацыйных патрабаваннях да найбольш запатрабаваных прафесій і пасад у сферы ўнутранага воднага транспарту». Прынятая рэкамендацыя абазначыла падыходы да агульных і спецыяльных патрабаванняў да прафесійных ведаў і навыкаў работнікаў у сферы ўнутранага воднага транспарту з улікам рознага ўзроўню кваліфікацый і асаблівасцей розных відаў выконваемых работ», — адзначылі ў прэс-службе.
«Дзяржавы — члены ЕАЭС маюць магчымасць улічваць названыя рэкамендацыі пры фарміраванні нацыянальнай палітыкі. Пытанні рэалізацыі такіх рэкамендацый знаходзяцца ў кампетэнцыі кожнага боку і ажыццяўляюцца з улікам унутранага заканадаўства, прыярытэтаў і нацыянальных асаблівасцей», — пракаменціраваў дакумент член Калегіі (міністр) па энергетыцы і інфраструктуры ЕЭК Арзыбек Кажошаў.
Рэалізацыя рэкамендацыі накіравана на садзейнічанне фарміраванню агульнага рынку паслуг воднага транспарту на прасторы ЕАЭС.
