Белстат распрацаваў сістэму паказчыкаў для ацэнкі развіцця крэатыўнай эканомікі
Фота з архіва 11 верасня, Мінск . Нацыянальны статыстычны камітэт распрацаваў сістэму статыстычных паказчыкаў для ацэнкі развіцця крэатыўнай эканомікі ў Беларусі, паведамілі ў камітэце.
Сістэма змяшчае індыкатары, якія характарызуюць крэатыўную эканоміку ў цэлым. Сярод іх — індыкатары макраэканамічнага і знешнеэканамічнага ўкладу, працы, інвестыцыйнай актыўнасці, а таксама фінансавыя рэзультаты.
Таксама ў сістэму ўваходзіць набор паказчыкаў, якія адлюстроўваюць развіццё асобных індустрый крэатыўнай эканомікі — архітэктуры, рэкламы, выдавецкай справы, кіна- і відэапрадукцыі, фатаграфіі, музыкі, мастацкай і літаратурнай творчасці і інш.
Уклад крэатыўнай эканомікі ў ВУП за мінулы год склаў 4,3%.
