Трамп заявіў, што падпісанне здзелкі паміж ЗША і Іранам запланавана на 14 чэрвеня
Фота Shutterstock 14 чэрвеня, Мінск /Кар. БЕЛТА/. Прэзідэнт ЗША Дональд Трамп паведаміў, што падпісанне здзелкі паміж Злучанымі Штатамі і Іранам запланавана на нядзелю, 14 чэрвеня. Адпаведную заяву ён апублікаваў у сваім акаўнце ў сацсетцы Truth Social.
«Падпісанне пагаднення запланавана на заўтра», — напісаў ён.
Амерыканскі лідар сцвярджае, што адразу пасля яго падпісання Армузскі праліў будзе адкрыты для ўсіх.
Ён таксама адзначыў, што Вашынгтон разлічвае на супрацоўніцтва з Тэгеранам і ўсім Блізкім Усходам у будучыні.
«Спадзяёмся, што гэты працэс пройдзе хутка, лёгка і гладка. Калі гэтага не адбудзецца, у нас ёсць выдатная альтэрнатыва, якую, спадзяюся, мы больш ніколі не будзем выкарыстоўваць», — дадаў кіраўнік Белага дома.
У сваю чаргу прадстаўнік МЗС Ірана Эсмаіл Багаі раней заяўляў, што падпісанне мемарандума аб урэгуляванні канфлікту з ЗША не адбудзецца 14 чэрвеня, але не выключана, што адбудзецца ў бліжэйшыя дні. Да гэтага прэм’ер-міністр Пакістана Шахбаз Шарыф сцвярджаў, што мірнае пагадненне паміж ЗША і Іранам можа быць канчаткова аформлена на працягу бліжэйшых 24 гадзін.-0-
