Беларускія ратавальнікі на вучэнні АДКБ у Тыджыкістане адпрацавалі ліквідацыю аварыі на чыгунцы
Скрыншот відэа МНС 13 кастрычніка, Мінск . Беларускія ратавальнікі паспяхова адпрацавалі найскладанейшыя задачы на вучэнні АДКБ «Скала-2026» у Таджыкістане. Аб гэтым БЕЛТА паведамілі ў МНС.
Кіраўнік беларускай дэлегацыі — начальнік галоўнага ўпраўлення аварыйна-выратавальнай службы і рэагавання на надзвычайныя сітуацыі МНС Андрэй Мяцельскі адзначыў, што асноўнай задачай нашых спецыялістаў стала разведка месцаў разбурэнняў. Таксама беларускія ратавальнікі адпрацавалі ліквідацыю наступстваў аварыі на чыгуначным транспарце, пры якой «разбурылася цыстэрна з аміякам». Ускладнялася задача наяўнасцю ўмоўных пацярпелых, заблакіраваных у пасажырскім вагоне. Усяго ў час вучэння было адпрацавана больш за 20 складаных эпізодаў.
«Практычная адпрацоўка сумесных механізмаў рэагавання дасць магчымасць нам аператыўна і эфектыўна процідзейнічаць актуальным пагрозам і выклікам у сферы абароны насельніцтва і тэрыторый ад надзвычайных сітуацый», — падкрэсліў Андрэй Мяцельскі.
У Таджыкістане завяршылася практычная частка спецыяльнага вучэння выратавальных падраздзяленняў краін — членаў АДКБ «Скала-2026». Беларускія ратавальнікі ўдзельнічалі ў маштабных манеўрах разам з калегамі з Казахстана, Кыргызстана, Расіі і Таджыкістана.
