Беларуска Іванова перамагла на маладзёжным чэмпіянаце свету ў стральбе з пісталета
Фота НАК 21 чэрвеня, Мінск . Беларуска Кацярына Іванова стала пераможцай у стральбе з малакалібернага пісталета на 25 метраў на маладзёжным чэмпіянаце свету ў Германіі, паведамілі БЕЛТА ў прэс-службе НАК.
У фінале Іванова набрала 31 ачко, на два балы апярэдзіўшы нарвежку Ані Торгерсен. Яшчэ адна беларуска Аляксандра Пятрова заняла чацвёртае месца, у барацьбе за бронзу наша спартсменка ўступіла расіянцы Валерыі Ганаковай.
Раней Іванова і Пятрова разам з Алінай Несцяровіч заваявалі золата ў каманднай стральбе з пісталета на 25 м, а таксама ўзялі серабро ў заліку троек на дыстанцыі 10 м. Маладзёжны чэмпіянат свету па кулявой стральбе завершыцца 25 чэрвеня.
