Беларуска Гаўрыленка стала трэцяй у стральбе з вінтоўкі на турніры Гран-пры ў Казахстане
Фота НАК 20 кастрычніка, Мінск . У казахстанскім Шымкенце стартаваў міжнародны турнір Гран-пры па кулявой стральбе памяці Уладзіміра Пачывалава з удзелам беларусаў, паведамілі БЕЛТА ў прэс-службе НАК.
У першы дзень турніру адбыліся жаночыя спаборніцтвы ў стральбе з малакалібернай вінтоўкі на 50 м са становішча лежачы. Бронзавым прызёрам з рэзультатам 624,3 бала стала наша Лізавета Гаўрыленка, менш за адно ачко ёй уступіла суайчынніца Ніколь Курылёнак. Яшчэ адна беларуска Дар’я Чупрыс заняла сёмае месца (620,9).
У стральбе з пнеўматычнага пісталета на 10 м у мужчын наш Уладзіслаў Дземеш стаў шостым.
Этап Гран-пры ў Казахстане з удзелам 216 спартсменаў з 12 краін прадоўжыцца па 27 кастрычніка. Гэты турнір з’яўляецца апошнім стартам перад чэмпіянатам свету па кулявой стральбе, які пачнецца ў Катары 1 лістапада.
