Беларус Калячонак закінуў шайбу ў дэбютным матчы за «Нью-Джэрсі»
Уладзіслаў Калячонак. Фота hockey.by 13 лістапада, Мінск . Беларускія хакеісты набралі ачкі ў паядынку «Нью-Джэрсі» і «Вашынгтона» ў рэгулярным чэмпіянаце НХЛ,
На сваім лёдзе «Дэвілз» абыгралі сталічны клуб з лікам 5:2. На 47-й мінуце сустрэчы трэцюю шайбу сваёй каманды закінуў наш Уладзіслаў Калячонак, які праводзіў дэбютны матч за «Нью-Джэрсі». Сезон-26/27 абаронца пачынаў у АХЛ у складзе «Ютыкі», аддаўшы тры галявыя перадачы ў 12 гульнях. Па выніках паядынку з «Вашынгтонам» Калячонак быў прызнаны трэцяй зоркай.
У складзе «Кэпіталз» асістэнцкі бал набраў наш Аляксей Протас, які прадоўжыў рэзультатыўную серыю да трох матчаў. У 17 паядынках чэмпіянату ў беларуса 9 (2+7) ачкоў. «Нью-Джэрсі» ідзе ва Усходняй канферэнцыі чацвёртым, «Вашынгтон» — дзявятым. 15 лістапада каманды зноў згуляюць паміж сабой, але ўжо ў сталіцы ЗША.
