Беларусь і Мазамбік рыхтуюцца да запланаванага візіту мазамбікскага лідара ў Мінск
Фота з архіва 22 кастрычніка, Мінск . Надзвычайны і Паўнамоцны Пасол Беларусі ў Зімбабвэ і Мазамбіку па сумяшчальніцтве Юрый Нікалайчык 21 кастрычніка ўручыў копіі даверчых грамат дзяржаўнаму сакратару па замежных справах і справах мазамбікцаў за мяжой Міністэрства замежных спраў і супрацоўніцтва Мазамбіка Марыі дэ Фаціма Сіман Мансу. Аб гэтым паведамілі ў беларускім знешнепалітычным ведамстве.
Бакі прадметна абмеркавалі ўвесь комплекс пытанняў беларуска-мазамбікскага парадку дня, пацвердзіўшы ўзаемную нацэленасць на развіццё канструктыўнага дыялогу і рэалізацыю дамоўленасцей, дасягнутых па выніках афіцыйнага візіту ў Мазамбік міністра замежных спраў Беларусі Максіма Рыжанкова ў ліпені 2026 года.
Мазамбікскі бок адзначыў наяўнасць значнага патэнцыялу для пашырэння ўзаемадзеяння і выказаў зацікаўленасць у забеспячэнні змястоўнага напаўнення першага ў гісторыі міждзяржаўных адносін візіту прэзідэнта Мазамбіка ў нашу краіну па запрашэнні кіраўніка беларускай дзяржавы.
Пасол Беларусі падкрэсліў гатоўнасць Мінска да фарміравання пакета двухбаковых дамоўленасцей, накіраваных на дасягненне эканамічных вынікаў.
Субяседнікі таксама ўдзялілі асаблівую ўвагу пытанням развіцця дагаворна-прававой базы, падрыхтоўкі 4-га пасяджэння сумеснай міжурадавай камісіі па гандлёва-эканамічным супрацоўніцтве і арганізацыі візіту ў Мазамбік дэлегацыі беларускіх дзелавых колаў пад эгідай Нацыянальнага цэнтра падтрымкі экспарту.
Фота МЗС
