Беларусь і Кітай дамовіліся аб паэтапным пашырэнні маршрутнай сеткі палётаў «Белавія»
Фота Мінтранса 19 чэрвеня, Мінск . Беларусь і Кітай дамовіліся аб паэтапным павелічэнні колькасці пунктаў назначэння, што дасць магчымасць пашырыць маршрутную сетку рэгулярных палётаў авіякампаніі «Белавія». Аб гэтым паведамілі БЕЛТА ў прэс-службе Мінтранса па выніках кансультацый паміж авіяцыйнымі адміністрацыямі краін, якія прайшлі ў Пекіне.
«У рамках кансультацый зацверджана колькасць частот для пасажырскіх і грузавых авіяперавозак паміж краінамі, дасягнута ўзаемаразуменне па выкарыстанні паветранай прасторы Рэспублікі Беларусь кітайскімі авіяперавозчыкамі», — расказалі ў прэс-службе.
Таксама беларускі бок прапанаваў правесці абмен вопытам па падрыхтоўцы авіяцыйнага персаналу ўстановамі адукацыі Беларусі і Кітайскай Народнай Рэспублікі.
Беларускую дэлегацыю ўзначаліла намеснік дырэктара Дэпартамента па авіяцыі Мінтранса Вольга Шапкова. Па выніках сустрэчы падпісаны пратакол кансультацый.
