Аранжавы ўзровень небяспекі з-за гарачыні да +35°С аб’яўлены ў Беларусі 27 чэрвеня
26 чэрвеня, Мінск . У суботу, 27 чэрвеня, днём па захадзе краіны тэмпература паветра складзе 30-34 градусы, месцамі па Брэсцкай вобласці дасягне плюс 35. У сувязі з чым аб’яўлены аранжавы ўзровень небяспекі, расказалі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У суботу чакаецца пераменная воблачнасць. Пераважна без ападкаў, толькі месцамі па паўночным усходзе пройдуць кароткачасовыя дажджы, прагрымяць навальніцы. Вецер прагназуецца паўночна-заходні, заходні 3-8 м/с.
Тэмпература паветра ноччу складзе 11-17 градусаў цяпла. Днём будзе ад плюс 23 градусаў па паўночным усходзе да плюс 35 градусаў па паўднёвым захадзе.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
