Агляд баявой гатоўнасці правялі ў падраздзяленні 120-й брыгады
Фота «Ваяр» 29 верасня, Мінск . Праверка баявой гатоўнасці Узброеных Сіл прадаўжаецца ў адным з падраздзяленняў 120-й асобнай гвардзейскай механізаванай брыгады. Аб гэтым паведамілі БЕЛТА ў Міністэрстве абароны.
Пасля атрымання распараджэння аб прывядзенні ў гатоўнасць да выканання задач па прызначэнні ў падраздзяленні адбыўся агляд гатоўнасці. Яго ход кантралявалі прадстаўнікі Дзяржаўнага сакратарыята Савета бяспекі на чале з намеснікам дзяржаўнага сакратара Савета бяспекі генерал-маёрам Андрэем Гарбаценкам.
Паводле слоў Андрэя Гарбаценкі, у ходзе агляду ацэньваюцца ўкамплектаванасць батальёна, расстаноўка асабовага складу згодна са штатам, наяўнасць і тэхнічная гатоўнасць узбраення, ваеннай і спецыяльнай тэхнікі, а таксама запасы матэрыяльных сродкаў. «Супрацоўнікі Дзяржсакратарыята знаходзяцца тут для таго, каб праверыць, як батальён выканаў усе пастаўленыя задачы ў адведзены час. Па выніках будуць зроблены вывады, прааналізаваны, і пасля гэтага мы пяройдзем да наступнага этапу праверкі», — сказаў ён.
Наступным этапам стануць кантрольныя заняткі па тактычнай, агнявой і фізічнай падрыхтоўцы. Намеснік дзяржсакратара Савета бяспекі таксама адзначыў, што ў ходзе праверкі будзе ацэнена, як улічаны недахопы, выяўленыя ў першым паўгоддзі ў час праверкі Узброеных Сіл па даручэнні кіраўніка дзяржавы, а таксама як пры падрыхтоўцы войскаў улічваецца вопыт спецыяльнай ваеннай аперацыі. «Усе матэрыялы, атрыманыя па выніках гэтай праверкі, будуць абагульнены, даведзены Прэзідэнту, кіраўніцтву Узброеных Сіл, каб улічваць у падрыхтоўцы іншых воінскіх часцей», — дадаў Андрэй Гарбаценка. 
Фота «Ваяр»
