Беларусь прадставіць абноўленыя турпрадукты на форуме-выстаўцы ў Маскве
Фота форуму-выстаўкі «АДПАЧЫНАК Leisure» 22 ліпеня, Мінск . Беларусь прадставіць абноўленыя фарматы падарожжаў па краіне на 32-м Міжнародным форуме-выстаўцы «АДПАЧЫНАК Leisure 2026» у Маскве 2-4 верасня. Аб гэтым паведамілі ў Рэспубліканскім саюзе турыстычнай індустрыі.
У гэтым годзе беларуская дэлегацыя робіць акцэнт не толькі на звычайным аздараўленчым і экскурсійным адпачынку, але і на прэміяльных сегментах: MICE-турызме, загарадных рэтрытах, абноўленых гастранамічных маршрутах.
На беларускім стэндзе прадстаўлены прамысловы і гістарычны турызм, гастранамічны эксклюзіў, прэміяльны wellness і лічбавы detox, падзейны і гарадскі адпачынак. Акрамя класічных экскурсій (Мірскі і Нясвіжскі замкі, Брэсцкая крэпасць) экспазіцыя раскрые патэнцыял прамысловых гігантаў (ад БЕЛАЗа да хрустальных мануфактур) і савецкага архітэктурнага авангарда.
Наведвальнікаў чакае прэзентацыя карты аўтэнтычнай рэгіянальнай кухні: ад прэміяльнай малочнай прадукцыі і рамеснага хлеба да аўтарскіх сэтаў, заснаваных на лакальных прадуктах («Магія беларускага лесу»), а таксама традыцыйныя напіткі па адроджаных рэцэптах — старка і зуброўка.
Санаторны адпачынак трансфармуецца ў канцэпцыю сучасных рэтрыт-цэнтраў. На стэндзе прадставяць інавацыйныя спа-комплексы, якія выкарыстоўваюць унікальныя ўласцівасці сапрапелевых гразей возера Нарач і мінеральных вод, а таксама рэтрыт-цэнтры, якія сумяшчаюць сучасную медыцыну з практыкамі лічбавай дэтаксікацыі.
Асобная экспазіцыя прысвечана арт-турызму ў Віцебску, каралеўскай спадчыне Гродна і барочнай архітэктуры, тэатральнаму мастацтву Магілёва.
