Асноўны перагаворны дзень прэзідэнтаў Беларусі і Манголіі стартаваў з цырымоніі афіцыйнай сустрэчы
26 кастрычніка, Мінск . Прэзідэнт Беларусі Аляксандр Лукашэнка прывітаў свайго мангольскага калегу Ухнаагійн Хурэлсуха ў Палацы Незалежнасці, дзе кіраўнікі дзяржаў правядуць афіцыйныя перагаворы,
Перагаворам лідараў краін, якія пройдуць у вузкім і пашыраным складах, папярэднічае цырымонія афіцыйнай сустрэчы з удзелам ваеннаслужачых роты ганаровай варты, выкананнем гімнаў Беларусі і Манголіі, прадстаўленнем дэлегацый з абодвух бакоў.
Плануецца, што па выніках перагавораў будзе падпісаны шэраг дакументаў. Гэта ў тым ліку дарожная карта супрацоўніцтва Беларусі і Манголіі на 2027-2029 гады.
Напярэдадні кіраўнікі дзяржаў сустрэліся ў нефармальнай абстаноўцы. Аляксандр Лукашэнка запрасіў Ухнаагійн Хурэлсуха да сябе дадому. «Я прапанаваў бы, каб мы пачалі з двух-трох важных для нас з Манголіяй праектаў і пачалі наша супрацоўніцтва, каб мы далі старт вельмі інтэнсіўнаму нармальнаму супрацоўніцтву», — прапанаваў Прэзідэнт Беларусі.
Мангольскі лідар падтрымаў гэту прапанову. «Цалкам згодны, поўнасцю падтрымліваю», — сказаў ён.
