Жывая дыскусія замест пустых слоў. У чым дэлегаты І УНС далі фору прафесійным палітыкам
Навіны сюжэта «30 фактаў аб УНС » План канкрэтных спраў. Як адобраная на I УНС пяцігадовая праграма дапамагла краіне выйсці з крызісу «Толькі народ мае права вырашаць свой лёс». Якія акцэнты на І УНС зрабіў Прэзідэнт 27 кастрычніка, Мінск . Першы Усебеларускі народны сход стаў пляцоўкай для ажыўленай дыскусіі па пытаннях дзяржаўнага ладу і напрамку рэформ. У сувязі з 30-гадовым юбілеем УНС БЕЛТА прапануе ўспомніць гісторыю аднаго з важнейшых органаў палітычнай сістэмы Беларусі. 30 гадоў, 30 фактаў, 30 публікацый — агенцтва падрыхтавала серыю матэрыялаў аб сходзе, у якіх раскажа пра станаўленне гэтага вышэйшага органа народаўладдзя і яго сучаснай ролі ў жыцці нашай краіны.
Факт 5. На першым Усебеларускім народным сходзе ўзнікла традыцыя абмеркавання стратэгічных напрамкаў развіцця краіны на агульнанацыянальным форуме
19-20 кастрычніка 1996 года ў сталічным Палацы спорту 4740 дэлегатаў першага Усебеларускага народнага сходу, якія прадстаўлялі ўсе рэгіёны і сацыяльныя групы, абмяркоўвалі існуючыя праблемы ў сферах эканомікі і палітыкі. Прэзідэнт Аляксандр Лукашэнка выступіў з дакладам «Толькі народ мае права вырашаць свой лёс», дзе выклаў сваё бачанне сітуацыі і шляхі выйсця з крызісу, які склаўся ў краіне пасля распаду СССР.
Аляксандр Лукашэнка ў час выступлення на I Усебеларускім народным сходзе, кастрычнік 1996 года 
Свой аналіз стану эканомікі і іншых сфер жыцця грамадства прадставілі 25 дэлегатаў і запрошаных. Гэта былі прадстаўнікі розных груп беларускага грамадства: кіраўнікі прадпрыемстваў, студэнты, рабочыя, духавенства, дэпутаты, вучоныя, ваеннаслужачыя, пенсіянеры, а таксама прадстаўнікі дзяржаўнай улады. Яны ўносілі прапановы па развіцці прамысловасці і сельскай гаспадаркі, удасканаленні заканадаўства, прапаноўвалі змяненні і дапаўненні ў асобныя артыкулы і раздзелы Канстытуцыі. 
У сваім заключным слове кіраўнік дзяржавы адзначыў, што па колькасці і глыбіні выказаных новых канструктыўных ідэй і прапаноў УНС можа даць фору многім сходам прафесійных палітыкаў. Акрамя таго, удзельнікі сходу накіравалі ў рэдакцыйную камісію больш за тысячу пісьмовых заўваг і прапаноў. «Абяцаю вам, што нічога са сказанага тут не будзе пакінута без увагі, ні адна канструктыўная прапанова, ні адна плённая ідэя», — падкрэсліў Прэзідэнт. Таксама Аляксандр Лукашэнка спыніўся на некаторых пытаннях, якія былі закрануты ў выступленнях дэлегатаў і прапановах, што паступілі.
«Наш сход прадэманстраваў жыццяздольнасць такой формы народнай дэмакратыі і павінен заняць дастойнае месца ў жыцці грамадства. Думаю, ён можа стаць найбольш дакладным выразнікам меркавання народа па важнейшых праблемах грамадскага развіцця. Таму я прапаную праз пяць гадоў правесці чарговы сход, каб падвесці на ім вынікі выканання праграмы сацыяльна-эканамічнага развіцця рэспублікі», — заявіў кіраўнік дзяржавы.
Усебеларускі народны сход — вышэйшы прадстаўнічы орган народаўладдзя Беларусі, які вызначае стратэгічныя напрамкі развіцця грамадства і дзяржавы, забяспечвае непахіснасць канстытуцыйнага ладу, пераемнасць пакаленняў і грамадзянскую згоду. Пасяджэнне УНС у канстытуцыйным статусе з 2024 года праходзіць штогод. Трэцяе пасяджэнне VII Усебеларускага народнага сходу пройдзе ў Мінску 17-18 снежня 2026 года. 
