Наколькі Беларусь забяспечана сваімі прадуктамі харчавання, расказалі эксперты
Фота з архіва 22 кастрычніка, Мінск . Што сабой уяўляе харчовая бяспека, якія індыкатары яе вызначаюць і наколькі Беларусь забяспечана сваімі прадуктамі харчавання, у эфіры тэлеканала «Беларусь 1» расказаў намеснік міністра сельскай гаспадаркі і харчавання Ігар Дарафейчык, .
«Ключавы фактар харчовай бяспекі — забеспячэнне наяўнасці на паліцах даступных прадуктаў харчавання, якія мы ў краіне вырабляем. І індыкатары тут — бульба, мяса, малако. Можна смела сказаць, што мы дасягнулі пэўнага ўзроўню: забяспечаны 100% бульбай, агароднінай, больш як на 100% мясам, малака мы атрымліваем каля 300%. Гэта тыя прадукты, якія мы вырабляем і здольны экспартаваць», — сказаў Ігар Дарафейчык.
Як расказала член пастаяннай камісіі Савета Рэспублікі па заканадаўстве і дзяржаўным будаўніцтве, дырэктар прадпрыемства «Салігорская птушкафабрыка» Іна Талкачова, паказчык самазабяспечанасці Беларусі ў вытворчасці яек — 1,3. «Інакш кажучы, 30% лішкаў, якія мы прадаём за межы краіны. Сёння перапрацоўка сельскагаспадарчай прадукцыі — гэта перспектыўны напрамак, які павінен пастаянна развівацца. Калі гаварыць аб нашым прадпрыемстве, мы перапрацоўваем каля 40% сваёй прадукцыі. Перапялінага яйка атрымліваем даволі сур’ёзныя аб’ёмы, у гэтым годзе яны складуць амаль 240 млн яек. Для прыкладу, уся Расійская Федэрацыя за мінулы год атрымала 350 млн», — паведаміла яна.
Як адзначыў Ігар Дарафейчык, у Беларусі стаіць задача па павелічэнні вытворчасці яблыкаў і забеспячэнні насельніцтва таматамі. «Шмат праектаў па будаўніцтве цяпліц. Мы сёння ўжо забяспечылі сябе агуркамі на 100%. Рухаемся ў напрамку максімальнага забеспячэння насельніцтва якаснымі, бяспечнымі прадуктамі нашага рэгіёна і мінімізацыі імпарту».
Больш актуальных навін і аналітыкі глядзіце на VIDEOBEL.BY.
