Нацбанк у 2027 годзе плануе выпусціць у абарачэнне 25 найменняў памятных манет і адзін памятны банкнот
Фота Нацбанка 8 кастрычніка, Мінск . Праўленне Нацыянальнага банка зацвердзіла пералік памятных манет і памятных банкнотаў, якія з’яўляюцца законным плацежным сродкам Беларусі і плануюцца да выпуску ў абарачэнне ў 2027 годзе, паведамілі ў прэс-службе Нацбанка.
Шэсць памятных манет будуць прысвечаны юбілейным датам: 35-годдзю дыпламатычных адносін Беларусі і Кітая, 100-годдзю з дня нараджэння Алеся Адамовіча, 110-годдзю заснавання беларускай міліцыі і 110-годдзю заснавання Камітэта дзяржаўнай бяспекі Беларусі. Таксама юбілейнай тэматыцы прысвечаны манеты «Мірскі замак. 500 год» серыі «Палацы і замкі Беларусі» і «Мінск. 960 год» серыі «Гарады Беларусі».
Тэматыка гісторыка-культурных каштоўнасцей будзе прадоўжана памятнымі манетамі: «Палацава-паркавы комплекс «Вялікі Свяцк Валовічаў» серыі «Палацы і замкі Беларусі»; «Ікона Прасвятой Багародзіцы «Усецарыца» серыі «Праваслаўныя цудатворныя іконы»; «Ліда», «Заслаўе», «Пінск», «Тураў», «Кобрын», «Навагрудак» серыі «Гарады Беларусі»; «Сонца», «Зямля», «Зорка», «Каханне», «Маці», «Дзіця», «Продкі» серыі «Код нацыі: беларускі арнамент»; «Казімір Малевіч» серыі «Беларускі мастацкі авангард»; «Шчурка залацістая» серыі «Птушка года»; «Браслаўскія азёры» серыі «Таямніца беларускіх вод»; «Нацыянальны акадэмічны Вялікі тэатр оперы і балета Рэспублікі Беларусь».
У 2027 годзе таксама плануецца да выпуску першы памятны банкнот Нацыянальнага банка, выраблены на палімернай аснове, — «Гістарычная спадчына Беларусі. 5 рублёў».
