Беларусы заваявалі дзевяць медалёў Кубка Каломенскага крамля па канькабежным спорце
Фота з архіва 2 кастрычніка, Мінск . Беларускія спартсмены выйгралі сем залатых узнагарод міжнароднага турніру па канькабежным спорце «Кубак Каломенскага крамля»,
У другі і фінальны дзень спаборніцтваў скарбонка беларускай каманды папоўнілася на тры залатыя ўзнагароды. Ксенія Вашкевіч атрымала перамогу на дыстанцыі 1000 м сярод дзяўчат да 17 гадоў, Дамініка Кухарчык таксама на тысячы заняла першае месца ў юніёрак да 19 гадоў, у гэтай жа ўзроставай групе Паліна Сівец паказала лепшы час у забегу на 3000 м.
Рэзультат Паліны — 4 мін. 12,02 сек. — стаў юніёрскім рэкордам катка ў Каломне на дыстанцыі 3 км. Агульны вынік нашай дэлегацыі за два дні склаў дзевяць медалёў (сем залатых, па адным сярэбраным і бронзавым). Усяго ўдзел у турніры прынялі больш як 200 канькабежцаў з Беларусі і Расіі, якія вызначылі прызёраў у трох узроставых катэгорыях.
