«Згулялі як адзіны механізм». Форвард «Дынама» Галіеў аб перамозе над «Лакаматывам»
4 кастрычніка, Мінск . Нападаючыя мінскага «Дынама» Данііл Сацішвілі і Станіслаў Галіеў падвялі вынікі дамашняга матчу супраць «Лакаматыва» ў рэгулярным чэмпіянаце КХЛ, паведамілі БЕЛТА ў прэс-службе «зуброў».
Паядынак мінчан і яраслаўцаў скончыўся перамогай сталічнага клуба з лікам 4:3. Сацішвілі і Галіеў закінулі па дзве шайбы, таксама Данііл набраў 50-е ачко за кар’еру ў КХЛ. 
«Кожная перамога надае ўпэўненасці, асабліва дома. Хочацца радаваць нашых балельшчыкаў усё больш і больш. У нас выдатная каманда, мы паказваем добры хакей. Проста месцамі трэба ўстараніць недарэчныя памылкі. Прыклад правільнай работы — матч з «Лакаматывам», мы біліся адзін за аднаго з першых мінут і да самага канца», — адзначыў беларускі форвард.
«Нават не думалі аб тым, што гуляем з лідарам канферэнцыі і чэмпіёнам. Рабілі акцэнт на тым, каб не прайграваць барацьбу і не аддаваць свой пятак. У выніку згулялі як адзіны механізм і выканалі ўсё, што трэба было. Гэта перамога павінна даць нам глыток свежага паветра і паказаць, што мы ўмеем. Трэба прадаўжаць так гуляць», — сказаў Галіеў.
Наступны паядынак «Дынама» правядзе дома 5 кастрычніка супраць «Тарпеда». 
Фота Сяргея Шэлега, Дзяніса Касцючэнкі
