Заснаваны новыя геральдычныя сімвалы Міністэрства энергетыкі
Фота з архіва 29 верасня, Мінск . Прэзідэнт Беларусі Аляксандр Лукашэнка падпісаў указ, якім заснаваны новыя афіцыйныя геральдычныя сімвалы Міністэрства энергетыкі. Аб гэтым паведамілі ў прэс-службе кіраўніка дзяржавы.
Гэта рашэнне прымеркавана да 25-годдзя з дня ўтварэння Мінэнерга.
Дакументам прадугледжваецца заснаванне нагруднага знака адрознення «За ўклад у развіццё беларускай энергетыкі» і нагруднага знака адрознення работнікаў цэнтральнага апарату Міністэрства энергетыкі.
Указам зацвярджаюцца палажэнні аб гэтых геральдычных сімвалах, іх апісанне і выявы.
