У Магаданскай вобласці абваліўся руднік, пад заваламі могуць быць людзі
Фота з архіва РІА Навіны 30 красавіка, Мінск /Кар. БЕЛТА/. Абвальванне рудніка адбылося ў Магаданскай вобласці, пад заваламі могуць знаходзіцца да васьмі чалавек. Аб гэтым паведамляе ТАСС са спасылкай на МНС Расіі.
«Паступіла паведамленне аб сходзе горнай масы на вугальным разрэзе Кадыкчанскі ў Сусуманскай гарадской акрузе. Паводле папярэдняй інфармацыі, пад заваламі могуць знаходзіцца да васьмі чалавек», — расказалі ў міністэрстве.
Да месца абвальвання накіраваны горнавыратавальнікі, пажарныя і медыкі, а таксама верталёт Мі-8 МНС Расіі.-0-
