У якіх раёнах Беларусі сёння могуць быць дажджы і навальніцы, расказалі сіноптыкі
3 чэрвеня, Мінск . У якіх раёнах Беларусі сёння могуць быць дажджы і навальніцы, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе пераменная воблачнасць і пераважна без ападкаў. Толькі ў паўднёвых раёнах пройдуць кароткачасовыя дажджы, месцамі навальніцы. Вецер прагназуецца паўднёвы, паўднёва-ўсходні 4-9 м/с, у асобных раёнах з парывамі да 14 м/с.
Тэмпература паветра складзе 20-26 градусаў цяпла, па поўдні — плюс 16-19.
Больш актуальнай і цікавай інфармацыі пра надвор’е глядзіце ў праграме АНТ «Метэагід» на videobel.by.
