У Арменіі адкрыліся ўчасткі для галасавання на парламенцкіх выбарах
Фота Reuters 7 чэрвеня, Мінск /Кар. БЕЛТА/. Выбары ў Нацыянальны сход (аднапалатны парламент) праходзяць у Арменіі, паведамляе ТАСС.
Адкрыта 2,5 тыс. выбарчых участкаў. За мяжой участкі не адкрываюцца, грамадзяне Арменіі могуць галасаваць толькі на тэрыторыі краіны.
Цэнтральная выбарчая камісія зарэгістравала 16 партый і 2 блокі для ўдзелу ў выбарах. Паводле афіцыйных даных, права голасу маюць 2,5 млн грамадзян. Выбары будуць прызнаны праведзенымі незалежна ад яўкі, паколькі новы выбарчы кодэкс не ўстанаўлівае мінімальнага парога. Выбаршчыкам прадастаўляецца 18 бюлетэняў з назвамі партый, з якіх неабходна выбраць адзін і апусціць ва урну.
Участкі завершаць работу ў 19.00 па мінскім часе. Папярэднія вынікі Цэнтрвыбаркам Арменіі аб’явіць на наступны дзень, а канчатковыя — не пазней, чым на сёмы дзень.
Згодна з ЦВК, за выбарамі сочаць прадстаўнікі 14 замежных краін і некалькіх міжнародных арганізацый, уключаючы місію Бюро па дэмакратычных інстытутах і правах чалавека АБСЕ, ПАСЕ і Міжнародную арганізацыю франкафоніі, а таксама амаль 120 наглядальнікаў ад СНД.-0-
