Каля берагоў Камчаткі адбылося каля 30 землетрасенняў
Фота з архіва 4 чэрвеня, Мінск /Кар. БЕЛТА/. Каля берагоў Камчаткі адбылося за ноч каля 30 землетрасенняў, паведамляе ТАСС са спасылкай на Камчацкі філіял Адзінай геафізічнай службы РАН.
Сейсмічныя падзеі адбыліся пасля адчувальнага землетрасення магнітудай 6, якое зарэгістравана ў Ціхім акіяне на глыбіні 41 км пад марскім дном. На працягу некалькіх гадзін пасля гэтага ў тым раёне адбыўся яшчэ «рой» землетрасенняў.
Жыхары населеных пунктаў адчулі толькі адзін падземны штуршок сілай да трох балаў. Пагроза цунамі не аб’яўлялася.-0-
