XXXV Міжнародны фестываль мастацтваў «Славянскі базар у Віцебску»
З 14 па 20 ліпеня фестывальны Віцебск стане цэнтрам прыцяжэння для гасцей з больш як 40 краін свету.
Цырымонія адкрыцця фестывалю — 16 ліпеня.
Цырымонія закрыцця — 19 ліпеня.
Асноўныя падзеі фестывалю:
XXXV Міжнародны конкурс выканаўцаў эстраднай песні «Віцебск»,
XXIV Міжнародны дзіцячы музычны конкурс «Віцебск».
Беларусь на конкурсе выканаўцаў эстраднай песні прадстаўляе Алена Кузняцова, на дзіцячым музычным конкурсе — Лізавета Цупрык.
У праграме мерапрыемстваў:
— адкрыццё «зоркі» ўладальніка спецыяльнай узнагароды Прэзідэнта Рэспублікі Беларусь «Праз мастацтва — да міру і ўзаемаразумення»*;
— гала-канцэрты, сольныя канцэрты, фестываль «Танцуй, Славянская душа!», джазавы фестываль;
— «Тэатральныя сустрэчы», «Лялечны квартал», творчыя сустрэчы;
— танцавальныя і выставачныя праекты, кінафестываль, свята харавой музыкі;
— кірмаш «Славянскі калейдаскоп»;
— Дні Саюзнай дзяржавы, Дні моладзі.
З 4 па 31 ліпеня для іншаземцаў з 71 краіны, якія едуць на фестываль, дзейнічае бязвізавы парадак уезду ў Беларусь**.
Упершыню «Славянскі базар у Віцебску» прайшоў 18 ліпеня 1992 года, з таго моманту нязменным сімвалам форуму з’яўляецца васілёк. На лагатыпе XXXV фестывалю разам з васільком прадстаўлена ладдзя (яна таксама прысутнічала на першай афішы «Славянскага базару» ў 1992 годзе).
* У 2009 годзе адбылося адкрыццё Алеі лаўрэатаў, удастоеных спецыяльнай узнагароды Прэзідэнта Рэспублікі Беларусь «Праз мастацтва — да міру і ўзаемаразумення».
** Распараджэнне Прэзідэнта Рэспублікі Беларусь ад 23 сакавіка 2026 года №40рп.
Крыніца: дырэкцыя Міжнароднага фестывалю мастацтваў «Славянскі базар у Віцебску».
