Вадзіцелям на заметку: з 25 жніўня па 5 верасня трэба ездзіць днём з уключанымі фарамі
Фота з архіва 23 жніўня, Мінск . Зусім хутка пачнецца новы навучальны год. І з 25 жніўня па 5 верасня ў рэспубліцы пройдзе спецыяльнае комплекснае мерапрыемства «Увага — дзеці!», якое прызначана павысіць узровень адказнасці бацькоў і вадзіцеляў за бяспеку дзяцей і падлеткаў на дарозе. Аб гэтым паведамілі БЕЛТА ў галоўным упраўленні ДАІ МУС.
«У дні акцыі ў светлы час сутак неабходна рухацца з уключанымі дзённымі хадавымі агнямі або блізкім святлом фар», — адзначылі ў МУС.
Супрацоўнікі ДАІ правядуць растлумачальную работу з насельніцтвам аб правілах бяспечных паводзін, асабліва язды на матацыклах, веласіпедах і сродках персанальнай мабільнасці. Таксама вартавыя дарог пракантралююць, як выконваюць ПДР і вадзіцелі, і пешаходы.
Асаблівая ўвага — захаванню правіл перавозкі дзяцей з абавязковым выкарыстаннем утрымліваючых устройстваў і рамянёў бяспекі.
Як удакладнілі ў МУС, з пачатку года на дарогах краіны загінулі 16 непаўналетніх, 245 атрымалі траўмы.
Дзяржаўтаінспекцыя заклікала чарговы раз бацькоў праяўляць пастаянную ўвагу да дзяцей і іх бяспекі. Таксама трэба выключыць магчымасць доступу падлеткаў да ключоў ад аўтамабіляў і мотатранспарту. Вадзіцелям неабходна быць вельмі асцярожнымі пры руху паблізу пешаходных пераходаў і ў дварах.
