«Пуцёўка ў будучыню». Замежныя кінематаграфісты пра маштаб і місію «Лістапада»
30 кастрычніка, Мінск . У сталіцы сёння стартуе XXХII Мінскі міжнародны кінафестываль «Лістапад». Напярэдадні фестывалю члены журы з розных краін падзяліліся з журналістамі сваімі ўражаннямі аб «Лістападзе» і расказалі, у чым яго асаблівасць,
Пуцёўка ў будучыню
Старшыня Нацыянальнага конкурсу, заслужаны дзеяч культуры Кыргызскай Рэспублікі і Расійскай Федэрацыі Асоль Малдакматава падкрэсліла, што «Лістапад» — надзвычай маштабны праект, які дапамагае аб’ядноўваць культуры, цывілізацыі і весці дыялог на мове ўзаемаразумення і ўзаемапавагі.
«У свеце цяпер настолькі складаная сітуацыя, калі важна абвяшчаць культуру міру і гаварыць з дапамогай творчай мовы. Я бачу шмат творчых асоб, кожны прадстаўляе сваю краіну і стварае, аб’ядноўваючы розных персон і дзяржавы, якія адрозніваюцца па маштабе і светапоглядзе. Упэўнена, менавіта гэты кінафестываль стане магутнай платформай для нараджэння новых праектаў і творчых саюзаў», — сказала Асоль Малдакматава.
«Адзін з маіх сяброў, галівудскі рэжысёр Эркен Ялгашаў, некалі прывозіў сюды Марка Дакаскаса, і мае сябры з Галівуда вельмі цёпла адзываліся аб гэтым фестывалі. Вы даяце зыходную пуцёўку ў жыццё маленькім дзецям, якія глядзяць на вядомых персон, знакамітых рэжысёраў, якія робяць заяўкі на «Оскар», Каны і іншыя вядомыя конкурсы ў розных краінах. І дзеці потым, калі адбудуцца, скажуць, што яны стартавалі на «Лістападзе», а гэта, паверце мне, дарагога варта. Як сказаў Квенцін Таранціна, самае сладанае — пайсці з канцтавары і купіць блакнот для напісання сцэнарыя. Усё пачынаецца з аўтарскай задумы. Мне хацелася б, каб дзеці, якія атрымліваюць у вас пуцёўку ў будучае і зарад бадзёрасці для марш-кідка наперад, на самай справе адчувалі, што «Лістапад» — вельмі магутная платформа, і менавіта тут глядач можа сустрэцца з самымі выдатнымі людзьмі», — дадала яна.
Асаблівы стыль кароткага кіно
Старшыня журы конкурсу кароткаметражных фільмаў Фабіа Маса з Італіі, дыпламант XXX Мінскага міжнароднага кінафестывалю «Лістапад», вяртаецца на фестываль ужо трэці год і прызнаецца, што гэта свята кіно мае для яго вялікае значэнне.
«Конкурс кароткаметражнага кіно — выдатная секцыя як для пачаткоўцаў, так і для вопытных аўтараў. Кароткаметражны фільм не проста кароткае кіно, яно мае свой асаблівы стыль і мастацкія прыёмы, якія дапамагаюць перадаць гісторыю больш лаканічна і глыбока. Я з нецярпеннем хачу паглядзець усе карціны і выбраць лепшую з іх. Кіно — гэта тое, што дапамагае развівацца, удасканальвацца і знаходзіць лепшае ў сабе», — упэўнены Фабіа Маса.
З акцэнтам на духоўнасць
Старшыня асноўнага конкурсу анімацыйных фільмаў Злата Папоў з Сербіі заўважыла, што цяпер на Балканах паказваюць кіно, якое вельмі настойліва і агрэсіўна навязвае сучасныя еўрапейскія каштоўнасці. У Мінску яна чакае ўбачыць праграму, якая падтрымлівае духоўныя, агульначалавечыя каштоўнасці. А паколькі ў конкурсах прымаюць удзел творы тых аўтараў, якія ўжо атрымалі вельмі высокія ўзнагароды, журы чакае складаная работа.
Гісторыя моцнай жанчыны
Старшыня журы конкурсу нацыянальных кінашкол Шэрыф Хасан Махамед Гед з Егіпта быў на фестывалі ў мінулым годзе і паабяцаў, што Егіпет абавязкова вернецца ў гэтым са сваім фільмам, бо гэта краіна вялікай кінавытворчасці, чые фільмы актыўна ўдзельнічаюць у фестывалях па ўсім свеце.
Ён стрымаў сваё абяцанне і запрашае ўсіх гледачоў на прагляд дакументальнага фільма «Яна», які расказвае натхняючую гісторыю доктара Іман Карым, якая пасля трагічнага выпадку аказалася прыкавана да інваліднага крэсла з дыягназам «квадрыплегія». Не жадаючы здавацца, яна з упартасцю ішла да сваёй мэты: атрымала ступень магістра і доктарскую ступень, а таксама стала выкладчыкам нямецкай мовы. Акрамя акадэмічнай дзейнасці, яна займала пасаду генеральнага куратара Нацыянальнага савета па справах інвалідаў, двойчы выбіралася ў савет спартыўнага клуба «Эль-Саід» і актыўна ўдзельнічала ў грамадскіх ініцыятывах праз валанцёрскія арганізацыі. Фільм прадстаўляе яе як яскравы прыклад устойлівасці і поспеху, які натхняе як людзей з абмежаванымі магчымасцямі, так і грамадства ў цэлым.
XXXII Мінскі міжнародны кінафестываль «Лістапад» пройдзе ў Беларусі з 30 кастрычніка па 6 лістапада пад лозунгам «Глядзі. Жыві. Цані». Для ўдзелу ў фестывалі было пададзена больш за 3,3 тыс. заявак са 108 краін, адабрана 130 фільмаў з 55 краін. На «Лістападзе» традыцыйна прадстаўлены работы ўдзельнікаў з Расіі, Кітая, Індыі, Ірана, Пакістана і В’етнама. Таксама будуць работы з Камбоджы, Марока, Эквадора, Венесуэлы, Калумбіі, Кубы, ЗША, Танзаніі, Мексікі, Аргенціны і М’янмы.
