Тры беларускі выступяць у кваліфікацыі адкрытага чэмпіянату ЗША па тэнісе
Фота з архіва 24 жніўня, Мінск . У Нью-Ёрку стартуюць кваліфікацыйныя паядынкі чацвёртага ў сезоне тэніснага турніру серыі «Вялікага шлема» — адкрытага чэмпіянату ЗША,
У кваліфікацыі жаночага адзіночнага разраду US Open згуляюць тры беларускія тэнісісткі. Першай на корт выйдзе Ірына Шымановіч (191-ы нумар сусветнага рэйтынгу), саперніцай якой будзе прадстаўніца Швейцарыі Рэбека Машарава (180). Беларуска Алёна Фалей (222) сустрэнецца з расійскай тэнісісткай Аленай Прыданкінай (186), а Аляксандра Сасновіч (136) згуляе з венгеркай Далмай Галфі (157). Каб прабіцца ў асноўную сетку амерыканскага першынства, тэнісісткам трэба пераадолець тры кваліфікацыйныя бар’еры.
Дзеючая чэмпіёнка US Open першая ракетка планеты беларуска Арына Сабаленка пачне выступленне з турніру змешаных пар разам з легендарным сербскім тэнісістам Новакам Джокавічам. У першым раўндзе 25 жніўня яны сустрэнуцца з яшчэ адным інтэрнацыянальным тандэмам — канадкай Лэйлай Фернандэс і амерыканцам Фрэнсісам Ціяфа.
