Валейбалісткі з Брэста, Гродна і Жлобіна з перамог стартавалі ў розыгрышы Кубка краіны
Фота vcbrest.by 28 верасня, Мінск . У трох гарадах краіны прайшлі матчы першага тура папярэдняга этапу Кубка Беларусі па валейболе сярод жаночых каманд 2026 года,
У папярэднім раўндзе стартавалі дзевяць каманд, падзеленыя на тры тройкі. Матчы першага тура ў групе «А» прайшлі ў Брэсце. Мясцовае «Прыбужжа» дабілася дзвюх перамог з аднолькавым лікам 3:0 па сэтах — брастаўчанкі перамаглі магілёўскі «Камунальнік» і баранавіцкі «Атлант». Таксама ў гэтым пуле магіляўчанкі былі мацнейшыя за «Атлант» (3:0).
У групе «Б» гаспадыні пляцоўкі таксама стартавалі з дзвюх вікторый: гродзенскі «Камунальнік-ГрДУ» ўсухую перамог наваполацкую «Лілею» і «Мінчанку-2». Маладзёжны склад сталічнага клуба нанёс паражэнне паўночнаму клубу з рэзультатам 3:1.
Матчы пула «В» прыняў Мазыр, там мясцовая «Жамчужына Палесся» абыграла РДВАР-2010 са сталіцы (3:0), пасля чаго з такім жа лікам уступіла «Іскры». Дзеючыя ўладальніцы трафея са Жлобіна таксама без праблем разабраліся з юнымі выхаванцамі РДВАР.
Паядынкі другога круга папярэдняга этапу Кубка Беларусі па валейболе адбудуцца з 16 да 18 кастрычніка. Па выніках двух тураў у снежаньскі «фінал чатырох» выйдуць пераможцы троек. «Мінчанка» на правах удзельніцы расійскай Суперлігі прайшла ў вырашальную стадыю. Менавіта сталічная каманда часцей за іншых выйгравала трафей — 10 разоў.
