«МЛ Віцебск» згуляе з футбалістамі мінскага «Дынама» ў 1/8 фіналу Кубка Беларусі
Фота ФК «Дынама-Мінск» 20 ліпеня, Мінск . У мінскім Доме футбола адбылася жараб’ёўка 1/8 фіналу розыгрышу Кубка Беларусі,
Цэнтральным паядынкам гэтай стадыі стане сустрэча паміж фіналістам мінулага кубкавага сезона мінскім «Дынама» і чэмпіёнам краіны «МЛ Віцебск». Цяперашні ўладальнік трафея барысаўскі БАТЭ будзе сапернічаць з адзіным прадстаўніком першай лігі нацыянальнага чэмпіянату «Оршай». Даты гэтых матчаў будуць вызначаны пазней.
Астатнія сустрэчы за выхад у чвэрцьфінал адбудуцца 25-26 ліпеня: «Белшына» (Бабруйск) — «Мінск», «Гомель» — «Віцебск», «Іслач» (Мінскі раён) — «Баранавічы», «Арсенал» (Дзяржынск) — «Нёман» (Гродна), «Тарпеда-БелАЗ» (Жодзіна) — «Днепр» (Магілёў), «Славія» (Мазыр) — «Дынама» (Брэст).
У фінале папярэдняга кубкавага розыгрышу БАТЭ адолеў мінскае «Дынама» ў серыі пасляматчавых пенальці. Цяпер у актыве барысаўчан шэсць трафеяў, па тры разы ўладальнікамі Кубка Беларусі станавіліся сталічнае «Дынама», салігорскі «Шахцёр», «Гомель», «Нёман», «Белшына» і брэсцкае «Дынама».
