Суды арыентаваны на максімальную абарону інтарэсаў сельгасвытворцаў — Швед
29 чэрвеня, Мінск . Суды арыентаваны на максімальную абарону інтарэсаў сельгасвытворцаў. Гэта адзначыў старшыня Вярхоўнага Суда Андрэй Швед на сустрэчы з дэпутацкім корпусам, 
«Пачынаючы са студзеня гэтага года ніжэйшыя суды арыентаваны, каб максімальна абараняць інтарэсы нашых сельгасвытворцаў, выключыць практыку, калі накіроўваецца ў даход залогавая маёмасць, мінімальна накладваць штрафныя і іншыя санкцыі», — сказаў Андрэй Швед, адзначыўшы недапушчальнасць фармальнага падыходу да вырашэння спраў.
У выніку за студзень — май бягучага года больш за 27 млн рублёў суды пакінулі ў сельскай гаспадарцы. Што датычыцца кошту маёмасці, пакінутай сельгасвытворцам (а гэта буйная рагатая жывёла, сельгастэхніка і інш.) зыходзячы з гэтага падыходу, паводле розных ацэнак, гэта каля 100 млн рублёў толькі за пяць месяцаў.
«Сёння вельмі важна забяспечыць работу ўсіх сельгасвытворцаў. Калі па рашэнні суда фармальна адабраць сельгастэхніку, на чым працаваць, як вырошчваць збожжа?» — акцэнтаваў увагу ён.
Старшыня Вярхоўнага Суда падкрэсліў, што эканоміка ў аснове ўсяго. «Як справядліва гаворыць кіраўнік дзяржавы, эканоміка — гэта ключавы вектар, які вызначае далейшую стратэгію развіцця нашай дзяржавы. Судовая ўлада, судовыя органы не могуць быць у адрыве», — падкрэсліў Андрэй Швед.
У сувязі з гэтым пачынаючы з 1 студзеня бягучага года судовая сістэма мяняе падыходы. Вярхоўны Суд арыентуе на тое, каб суддзі як мага больш уключаліся ў працэсы, якія адбываюцца ў дзяржаве, у тым ліку з прычыны сваіх паўнамоцтваў.
«Што датычыцца эканомікі, асноўны ўпор мы сёння робім, абапіраючыся на наша заканадаўства і практыку, якую фарміруе Вярхоўны Суд, на абарону нашых нацыянальных інтарэсаў ва ўмовах санкцыйнай палітыкі і таго націску, які ажыццяўляецца звонку», — сказаў Андрэй Швед. 
Фота Андрэя Сіняўскага
