Старшыням райвыканкамаў — падрыхтавацца. Лукашэнка мае намер у бліжэйшы час узварухнуць сацыяльную сферу
Аляксандр Лукашэнка 9 лістапада, Шклоў . Прэзідэнт Беларусі Аляксандр Лукашэнка лічыць неабходным праверыць эфектыўнасць работы сацыяльных аб’ектаў у краіне, у тым ліку спартыўныя пляцоўкі. Адпаведныя заявы ён зрабіў на рабочай нарадзе аб сучасных падыходах да рэгіянальнага развіцця на прыкладзе Шклоўскага раёна,
«Я хачу, каб старшыні райвыканкамаў падрыхтаваліся да таго, што ў бліжэйшы час мы ўзварухнём сацыяльную сферу. У нас столькі гэтага дабра створана… Дапусцім, спорт: колькі вы Пінчукоў і Марозаў (яркія маладыя беларускія хакеісты Віталь Пінчук і Вадзім Мароз. — Заўвага ) — хакеістаў — на гэтай пляцоўцы (у Шклове. — Заўвага ) выхавалі? Колькі вы таленавітых хакеістаў перадалі ў свой хакейны клуб у Магілёве, які гуляе ў чэмпіянаце Беларусі? Колькі вы адсюль выдалі на-гара? Колькі мы наверх паднялі, губернатар сказаць не можа. Упэўнены, і старшыня райвыканкама не скажа», — заявіў кіраўнік дзяржавы.
«Хакейная пляцоўка павінна працаваць дзень і ноч», — дадаў Прэзідэнт.
Аляксандр Лукашэнка прывёў яшчэ адзін прыклад, нагадаўшы, што нядаўна ў Беларусі дзяржаўныя тэатры былі пераведзены на сістэму раўнадолевага фінансавання «50 на 50». Яна азначае, што з бюджэтных сродкаў пакрываецца толькі палавіна расходаў тэатраў, а астатняе яны павінны зарабляць самі. «Прадавайце білеты і зарабляйце грошы. — «Мы не вытрымаем, людзі не хочуць купляць білеты». Дык навошта вы тады патрэбны, калі людзі да вас не ідуць?» — задаў пытанне кіраўнік дзяржавы. 
