Славакія выступае за дыпламатычнае ўрэгуляванне і ўстойлівы мір у Еўропе
Фота Unsplash 27 кастрычніка, Мінск /Кар. БЕЛТА/. Славакія зацікаўлена ў дасягненні ўстойлівага мірнага ўрэгулявання ў Еўропе діпламатычным шляхам і захаванні магчымасцей для ўзаемавыгаднага супрацоўніцтва з Расіяй. Аб гэтым заявіў у інтэрв’ю ТАСС віцэ-спікер Нацыянальнага савета (парламента) Славакіі Тыбор Гашпар.
«Славацкая Рэспубліка зацікаўлена ў такой еўрапейскай палітыцы, якая давала б магчымасць спалучаць інтарэсы бяспекі з дыпламатычнымі намаганнямі, прадухіленнем эскалацыі і пошукам доўгатэрміновага, устойлівага мірнага ўрэгулявання, а таксама магчымасцей для супрацоўніцтва з Расійскай Федэрацыяй на ўзаемавыгадных умовах», — адзначыў Тыбор Гашпар.
Ён адзначыў, што Славакія на працягу доўгага часу падкрэслівае неабходнасць дыпламатычнага ўрэгулявання і захавання каналаў камунікацыі. «Такі падыход заснаваны на разуменні таго, што нават ва ўмовах сур’ёзных міжнародных рознагалоссяў неабходна шукаць магчымасці для зніжэння напружанасці за сталом перагавораў, — адзначыў віцэ-спікер парламента. — Камунікацыя неабходна нават паміж бакамі, якія знаходзяцца ў стане канфлікту, — гэта справядліва не толькі ў паўсядзённым жыцці, але і ў міжнароднай дыпламатыі».
Тыбор Гашпар таксама заявіў, што магчымы перагляд палітыкі ЕС у дачыненні да Масквы запатрабаваў бы палітычнай волі, сумеснага абмеркавання паміж дзяржавамі — членамі саюза і канкрэтных крокаў у сферы бяспекі і міжнародных адносін.-0-
