«Сімвал патрыятызму, які ўражвае». Прэзідэнт Ганы наведаў «Брэсцкую крэпасць-герой»
6 чэрвеня, Брэст . Прэзідэнт Ганы Джон Драмані Махама, а таксама намеснік прэм’ер-міністра Віктар Каранкевіч і старшыня Брэсцкага аблвыканкама Пётр Пархомчык наведалі мемарыяльны комплекс «Брэсцкая крэпасць-герой»,
У Брэсцкай вобласці праграма лідара афрыканскай краіны прадугледжвае наведванне некаторых аб’ектаў. Ён пабываў ужо на прадпрыемстве «Савушкін прадукт», дзе прайшлі перагаворы. У мемарыяльным комплексе «Брэсцкая крэпасць-герой» лідар Ганы ўсклаў кветкі да Вечнага агню, мінутай маўчання ўшанаваў памяць абаронцаў і ахвяр Вялікай Айчыннай вайны. Ён пакінуў запіс у кнізе ганаровых гасцей мемарыяльнага комплексу. «Сімвал патрыятызму вельмі ўражвае. Няхай памяць пра герояў Брэсцкай крэпасці прадаўжае натхняць любоў да нашых радзім», — напісаў Джон Драмані Махама.
Для яго па тэрыторыі легендарнай цытадэлі над Бугам правёў экскурсію дырэктар мемарыяльнага комплексу Аляксандр Каркатадзэ. «Тэма патрыятызму мае агульначалавечы характар. У кожнай нацыі ёсць, павінна быць, любоў да сваёй радзімы, да сваёй гісторыі. Таму пры наведванні мемарыяльнага комплексу прэзідэнтам Ганы дзелімся нашым поглядам на тое, як трэба берагчы гісторыю, захоўваць памяць пра вайну, памятаць пра генацыд беларускага народа, — сказаў Аляксандр Каркатадзэ. — Думаю, прэзідэнту Ганы будзе вельмі цікава паглядзець і наш вопыт у патрыятычным выхаванні моладзі».
