Курс на пацяпленне. Якім будзе надвор’е ў Беларусі 18 чэрвеня
17 чэрвеня, Мінск . У Беларусі 18 чэрвеня пацяплее, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Чакаецца пераменная воблачнасць. Будзе пераважна без ападкаў, толькі па паўночным усходзе часам пройдуць дажджы. Ноччу і раніцай месцамі прагназуецца слабы туман. Вецер заходні 5-10 м/с, па паўночным усходзе парывы да 14 м/с.
Тэмпература паветра мінімальная ноччу складзе 7-13, максімальная днём — 19-25 градусаў.
Больш актуальнай і цікавай інфармацыі аб надвор’і глядзіце ў праграме АНТ «Метэагід» на videobel.by.
