Нумар выступлення беларускі на конкурсе выканаўцаў эстраднай песні «Віцебск» вызначаць рэжысёры
17 ліпеня, Віцебск . Удзельнікі XXXV Міжнароднага конкурсу выканаўцаў эстраднай песні «Віцебск» 17 ліпеня паспрабавалі на ўдачу вызначыць чарговасць выхаду на сцэну ў час двух дзён творчага спаборніцтва,
У канцэртнай зале «Віцебск» для маладых выканаўцаў, якія адстойваюць гонар 19 краін, прайшла жараб’ёўка. Удзельнікі прыбылі на «Фестывальны вакзал Віцебска», дзе ім трэба было выбраць два прадметы — званочак і лыжачку. Інтрыга была ў тым, што толькі на трох з іх былі напісаны лічбы — 1, 13, 19. Калі артысту траплялі гэтыя атрыбуты без нумароў, то парадак выхаду заставаўся на выбар рэжысёраў — зыходзячы з асаблівасцей выступлення маладых артыстаў. Прэтэндэнты спелі невялікія ўрыўкі песень, даючы магчымасць пазнаёміцца з іх вакальнымі данымі.
Беларуска Алена Кузняцова, якая прадстаўляе Беларусь на адным з галоўных песенных спаборніцтваў «Славянскага базару ў Віцебску», выцягнула званочак і лыжачку без нумара, а гэта азначае, што парадак яе выхаду на сцэну будзе вызначаць рэжысёрская група.
Выканаўцы прадставяць на суд журы дзве кампазіцыі — песню на адной са славянскіх моў і сусветны хіт у суправаджэнні аркестра.
Адкрые праграму першага конкурснага дня Юльян Нунука з Румыніі, а другога — артыстка з Мексікі Сафія Санчэс Эрнандэс, якой дастаўся званочак пад нумарам 1. «Шчаслівая» лічба дасталася Яне Божавіч з Чарнагорыі і Дыербеку Рузімуродаву з Узбекістана.
Поўную чарговасць выступлення артыстаў вызначаць сёння ўвечары.
Журы конкурсу ўзначаліць народны артыст Беларусі, спявак і музыкант, саліст і мастацкі кіраўнік заслужанага калектыву Рэспублікі Беларусь ансамбля «Сябры» Анатоль Ярмоленка.
