Мост з арабскім светам. Кіраўнік Арабскага парламента ацаніў значэнне падпісанага ў Мінску мемарандума
Мухамед Ахмед Аль-Ямахі 20 ліпеня, Мінск . Мемарандум аб узаемаразуменні паміж Нацыянальным сходам Беларусі і Арабскім парламентам, падпісаны 20 ліпеня ў Мінску, стане міжпарламенцкім мостам, які ў будучым будзе звязваць Беларусь з арабскім светам. Гэта адзначыў у каментарыі журналістам старшыня Арабскага парламента Мухамед Ахмед Аль-Ямахі,
«Сёння мы падпісалі не проста мемарандум аб узаемаразуменні. Мы будуем міжпарламенцкі мост, які будзе ў будучым звязваць Беларусь з арабскім светам», — сказаў Мухамед Ахмед Аль-Ямахі.
Паводле яго слоў, адносіны Нацыянальнага сходу Беларусі і Арабскага парламента выходзяць на новы ўзровень — стратэгічнага партнёрства. «Мы надаём вялікае значэнне міжпарламенцкаму супрацоўніцтву, паколькі лічым, што яно з’яўляецца прадаўжэннем афіцыйнай дыпламатыі», — дадаў ён.
Мухамед Ахмед Аль-Ямахі лічыць, што ўзаемадзеянне на міжпарламенцкім узроўні паміж арабскімі краінамі і Беларуссю садзейнічае ўмацаванню адносін ва ўсіх галінах і служыць інтарэсам народаў.
Адносіны з Беларуссю, паводле яго слоў, закранаюць усе асноўныя тэмы супрацоўніцтва на ўзроўні 22 арабскіх дзяржаў, якія з’яўляюцца членамі Арабскага парламента. Гэта ўзаемадзеянне ў гандлёва-эканамічнай сферы, у галінах адукацыі і медыцыны.
Мухамед Ахмед Аль-Ямахі выказаў удзячнасць за насычаную праграму, якая ўключае шматлікія сустрэчы, што прадугледжана афіцыйным візітам. 
