Міністр абароны Украіны Фёдараў пацвердзіў свой выхад у адстаўку
Міхаіл Фёдараў. Фота з сацсетак 16 ліпеня, Мінск /Кар. БЕЛТА/. Міністр абароны Украіны Міхаіл Фёдараў заявіў, што пакідае сваю пасаду. Аб гэтым паведамляюць украінскія СМІ.
«Дзякуй усім. Я прадоўжу працаваць дзеля місіі, з якой прыйшоў раней у Міністэрства абароны», — напісаў Фёдараў у сваім тэлеграм-канале.
Паводле даных украінскіх СМІ, Фёдараў можа заняць пасаду кіраўніка «Украбаронпрама».
У сераду дэпутат Вярхоўнай рады Яраслаў Жалязняк паведаміў, што новым міністрам абароны Украіны замест Фёдарава можа стаць цяперашні кіраўнік МУС Ігар Кліменка. Паводле слоў парламентарыя, Уладзімір Зяленскі абвінаваціў Фёдарава ў правале рэформы ваенкаматаў.
Вярхоўная рада назначыла Фёдарава міністрам абароны Украіны 14 студзеня 2026 года. Раней ён быў першым віцэ-прэм’ерам, міністрам лічбавай трансфармацыі.-0-
