Мінімальны падатак на прафдаход уводзіцца ў Беларусі
Фота з архіва 1 ліпеня, Мінск . У Беларусі мінімальная сума падатку на прафесійны даход (ППД) з 1 ліпеня складзе 45 рублёў у месяц, для пенсіянераў — 18 рублёў. Аб гэтым паведамілі ў Міністэрстве па падатках і зборах.
Першая выплата — не пазней за 24 жніўня 2026 года.
«Калі вы не ведзяце дзейнасць, але не зняліся з уліку, падатак будзе налічвацца штомесячна. Калі пратэрміноўка выплаты тры месяцы, падатковы орган спыніць рэгістрацыю, што пацягне ўзнікненне запазычанасці ў памеры 135 рублёў (для пенсіянераў — 54 рублі). Доўг спагоняць у прымусовым парадку, у тым ліку праз органы прымусовага выканання», — адзначылі ў МПЗ.
Таму тым, хто не вядзе дзейнасць, трэба своечасова зняцца з уліку праз дадатак ППД (Настройкі / Уліковы запіс / Зняцце з уліку).
Ёсць шэраг важных нюансаў. Калі вы выдалілі дадатак, але не зняліся з уліку — спампуйце яго нанава і прайдзіце працэдуру зняцця. Калі забылі логін/пароль — аднавіце дыстанцыйна праз дадатак або звярніцеся ў любую інспекцыю МПЗ. Зняцце з уліку адбываецца маментальна, датай зняцця лічыцца дата накіравання заявы.
Пасля зняцця доступ у дадатак захаваецца, але з абмежаваннямі — нельга будзе фарміраваць чэкі. Пры жаданні ўстаць на ўлік паўторна можна будзе не раней за 1-ы дзень другога месяца, які ідзе за месяцам спынення прымянення ППД.
У Міністэрстве фінансаў раней тлумачылі новы прынцып. Напрыклад, у жніўні 2026 года плацельшчык ППД атрымаў даход 100 рублёў. Сума падатку па стаўцы 10 працэнтаў складае 10 рублёў (100 рублёў x 10 працэнтаў). Аднак сума ППД да выплаты будзе 45 рублёў, таму што 10 рублёў менш за ўстаноўлены мінімум.
«Гэта ўзмацненне жорсткасці накіравана на фізічных асоб, псеўдазанятых у эканоміцы, і на забеспячэнне паступовага справядлівага ўдзелу самазанятых у фінансаванні дзяржрасходаў. Прымяненне ППД спыняецца ў выпадку нявыплаты тры разы запар падатку ва ўстаноўленыя тэрміны. Вярнуцца на ППД у такім выпадку можна будзе не раней чым праз шэсць месяцаў», — растлумачылі ў Мінфіне.
