Лукашэнка заслухаў даклад міністра абароны
Фота з архіва 22 ліпеня, Мінск . Прэзідэнт Беларусі Аляксандр Лукашэнка 22 ліпеня заслухаў даклад міністра абароны Віктара Хрэніна, .
Кіраўніку дзяржавы даложана аб мерапрыемствах ваеннай падрыхтоўкі ва Узброеных Сілах, існуючай абстаноўцы вакол краіны, дапамозе аграрыям з боку ваеннаслужачых у перыяд уборачнай кампаніі.
Што датычыцца падрыхтоўкі асабовага складу, яна праводзіцца на планавай аснове з улікам аналізу і вывадаў, зробленых па выніках комплекснай праверкі ў пачатку года. 
Віктар Хрэнін далажыў, што ваенна-палітычная абстаноўка складваецца спакойная, а напружанне ў большай ступені прысутнічае ў інфармацыйным полі. Вялікай актыўнасці ўзброеных сіл краін НАТА цяпер не фіксуецца.
Аналагічна і на паўднёвых рубяжах — з сумежнага боку няма прыкмет падрыхтоўкі да якіх-небудзь агрэсіўных дзеянняў. У прыгранічнай зоне на тэрыторыі Беларусі знаходзіцца мінімальны камплект падраздзяленняў сіл спецыяльных аперацый, якія забяспечваюць бяспеку ва ўзаемадзеянні з пагранічнікамі.
Яшчэ адна тэма даклада датычылася ўборачнай кампаніі. Ваенныя ў гэтым пытанні традыцыйна аказваюць падтрымку аграрыям. Прэзідэнту дэталёва даложана, у якіх рэгіёнах ваеннаслужачыя выконваюць адпаведныя задачы, колькі выдзелена тэхнікі і механізатараў. 
Размова таксама ішла аб рэалізацыі дадзенага на селектарнай нарадзе даручэння Аляксандра Лукашэнкі аб накіраванні ў армію недысцыплінаваных і нядобрасумленных работнікаў уборачнай кампаніі. Міністр абароны далажыў Прэзідэнту прапанову аб падключэнні да выканання пастаўленай задачы ваенных камісараў у рэгіёнах.
Фота Яна Гарбанюка
