Лукашэнка: сельскія працаўнікі Гомельскай вобласці заўсёды даказваюць свой прафесіяналізм
10 кастрычніка, Мінск . Прэзідэнт Беларусі Аляксандр Лукашэнка павіншаваў удзельнікаў і гасцей абласнога фестывалю-кірмашу «Дажынкі-2026» у Калінкавічах. Аб гэтым паведамілі ў прэс-службе беларускага лідара.
«Сёння на абласным фестывалі-кірмашы мы з гонарам ушаноўваем сельскіх працаўнікоў Гомельшчыны, якія заўсёды даказваюць свой прафесіяналізм. І гэта гарачая пара не выключэнне: намалочана звыш мільёна тон збожжа з улікам рапсу», — гаворыцца ў віншаванні.
Кіраўнік дзяржавы адзначыў, што няпросты палескі клімат патрабуе ад аграрыяў не толькі ведаў, вопыту, але і асаблівага падыходу да кожнага поля. «Вы не баіцеся цяжкасцей: нарошчваеце вытворчасць збожжавых культур, асвойваеце новыя напрамкі ў раслінаводстве, укараняеце інавацыйныя тэхналогіі, — звярнуў увагу ён. — Усё гэта — важкі ўклад у харчовую бяспеку краіны і ўмацаванне яе эканомікі, а таксама стратэгічны задзел на будучыню».
Аляксандр Лукашэнка падзякаваў кожнаму, хто працуе на палях і элеватарах, праводзіць рабочы дзень за рулём камбайнаў і грузавікоў, хто кіруе вытворчымі працэсамі і выконвае навуковыя даследаванні, за адданасць зямлі-карміцельцы, за адказнасць перад родным краем і ўсёй Беларуссю. «Упэўнены, і ў далейшым вы будзеце эфектыўна выконваць усе задачы, якія стаяць перад аграпрамысловым комплексам Гомельшчыны», — падкрэсліў беларускі лідар.
Прэзідэнт пажадаў моцнага здароўя, сямейнага дабрабыту, дастатку і ўпэўненасці ў заўтрашнім дні.
Удзельнікам і гасцям абласнога фестывалю-кірмашу «Дажынкі-2026» у г.Калінкавічы
Дарагія сябры!
Ад усёй душы віншую вас з «Дажынкамі-2026» — галоўным святам беларускіх хлебаробаў.
Сёння на абласным фестывалі-кірмашы мы з гонарам ушаноўваем сельскіх працаўнікоў Гомельшчыны, якія заўсёды даказваюць свой прафесіяналізм. І цяперашняя гарачая пара не выключэнне: намалочана звыш мільёна тон збожжа з улікам рапсу.
Няпросты палескі клімат патрабуе ад аграрыяў не толькі ведаў, вопыту, але і асаблівага падыходу да кожнага поля. Вы не баіцеся цяжкасцей: нарошчваеце вытворчасць збожжавых культур, асвойваеце новыя напрамкі ў раслінаводстве, укараняеце інавацыйныя тэхналогіі.
Усё гэта — важкі ўклад у харчовую бяспеку краіны і ўмацаванне яе эканомікі, а таксама стратэгічны задзел на будучыню.
Дзякуй кожнаму, хто працуе на палях і элеватарах, праводзіць рабочы дзень за рулём камбайнаў і грузавікоў, хто кіруе вытворчымі працэсамі і выконвае навуковыя даследаванні, за адданасць зямлі-карміцельцы, за адказнасць перад родным краем і ўсёй Беларуссю.
Упэўнены, і ў далейшым вы будзеце эфектыўна выконваць усе задачы, якія стаяць перад аграпрамысловым комплексам Гомельшчыны.
Жадаю вам моцнага здароўя, сямейнага дабрабыту, дастатку і ўпэўненасці ў заўтрашнім дні.
Аляксандр Лукашэнка,
10 кастрычніка 2026 года.
