Прамкааперацыя і выстаўка «ІНАПРАМ. Беларусь»: што абмеркавалі Турчын і Мантураў
25 жніўня, Мінск . Прэм’ер-міністр Беларусі Аляксандр Турчын правёў сустрэчу з першым намеснікам старшыні ўрада Расіі Дзянісам Мантуравым,
«Рады вітаць вас ва ўрадзе Беларусі. Хачу яшчэ раз вас шчыра павіншаваць з высокай беларускай дзяржаўнай узнагародай, якую ўручыў кіраўнік нашай дзяржавы (ордэн Дружбы народаў. — Заўвага ). Сімвалічна, што сама назва ордэна падкрэслівае аснову беларуска-расійскага супрацоўніцтва і ставіць перад урадамі дзвюх краін высокую планку», — сказаў Аляксандр Турчын.
Дзяніс Мантураў адзначыў, што летам прайшла выстаўка «ІНАПРАМ» у Екацярынбургу, а восенню чакаецца «ІНАПРАМ. Беларусь» у Мінску. «З радасцю ўспрымаю, што выстаўка «ІНАПРАМ» стала брэндам і для Беларусі. Гэта выстаўка дае добры імпульс, мы бачым рэзультаты. Дадатковыя кантакты прыводзяць да сумесных праектаў. Упэўнены, што і наступная выстаўка таксама пасадзейнічае развіццю нашай прамысловай кааперацыі і з’яўленню новых праектаў. За апошнія шэсць месяцаў мы бачым прырост узаемнага гандлю. Гэта ўсё дзякуючы таму, што Беларусь і Расія своечасова сфарміравалі дакладны план дзеянняў па прамысловых праграмах кааперацыі. Упэўнены, што сённяшні наш дыялог унясе ў гэта дадатковую лепту», — падкрэсліў ён. 
Фота Віталя Піваварчыка
