Лукашэнка даручыў даставіць пацярпелых з Бранскай вобласці ў Беларусь для аказання меддапамогі — Хаджаеў
Аляксандр Хаджаеў. Фота з архіва 17 чэрвеня, Мінск . Пацярпелых у Бранскай вобласці даставяць у Беларусь для аказання медыцынскай дапамогі, паведаміў журналістам міністр аховы здароўя Аляксандр Хаджаеў,
«Нашы калегі дабраліся да пацярпелых. Таксама туды прыехалі калегі з Масквы. У гэты момант праведзена ацэнка стану нашых пацыентаў. Два цяжкія пацыенты: адзін дарослы і адно дзіця», — сказаў Аляксандр Хаджаеў. 
Паводле інфармацыі міністра, расійскія калегі прапанавалі аказанне медыцынскай дапамогі ва ўстановах аховы здароўя Расійскай Федэрацыі. Аднак кіраўнік дзяржавы даў даручэнне даставіць беларускіх грамадзян для аказання медыцынскай дапамогі ў Беларусь.
«На гэты момант рыхтуецца верталёт медыцынскі, які ў тым ліку будзе ўдзельнічаць у дастаўцы нашых грамадзян для аказання медыцынскай дапамогі ў Беларусі», — сказаў Аляксандр Хаджаеў. 
Як паведамлялася, для дапамогі пацярпелым у Бранск з Мінска накіраваны спецыялісты рэспубліканскага ўзроўню: анестэзіёлагі-рэаніматолагі, дзіцячыя хірургі, спецыялісты Рэспубліканскага цэнтра агнястрэльнай траўмы.
