Лукашэнка: Беларусь гатова зрабіць для Кубы ўсё, на што здольна і што дазваляе абстаноўка
29 мая, Астана . Прэзідэнт Беларусі Аляксандр Лукашэнка да пачатку Вышэйшага Еўразійскага эканамічнага савета ў Астане сустрэўся з віцэ-прэзідэнтам Кубы Сальвадорам Вальдэсам Месам,
«Дарагі сябар, мы добра інфармаваны аб тым, што адбываецца вакол нашай дружалюбнай краіны. Але вы павінны ведаць, што сяброў у вас у свеце шмат, у тым ліку Беларусь, — звярнуўся беларускі лідар да віцэ-прэзідэнта Кубы. — Мы сёння гатовы для Кубы зрабіць усё, на што мы здольны і што дазваляе абстаноўка. Прынамсі, тое, аб чым мы з вамі дамовіліся (падпісаны ўжо не мемарандумы аб намерах, а канкрэтныя кантракты), мы свята будзем выконваць. Калі ў вас будуць нейкія дадаткова прапановы, мы гатовы іх неадкладна разгледзець і даць адказ у адпаведнасці з той сітуацыяй, якая сёння складваецца. І з тымі магчымасцямі, якія мы можам рэалізаваць. У час нашай сустрэчы мы абмяркуем усе гэтыя пытанні».
У сваю чаргу, Сальвадор Вальдэс Меса перадаў Аляксандру Лукашэнку прывітанне ад генерала арміі Рауля Кастра і Прэзідэнта Кубы Мігеля Дыяс-Канеля Бермудэса.
«Не забудзьце ім перадаць самыя добрыя пажаданні і — мужнасці», — адзначыў беларускі лідар.
Па рашэнні Вышэйшага Еўразійскага эканамічнага савета Куба са студзеня 2021 года мае статус дзяржавы — наглядальніка пры Еўразійскім эканамічным саюзе. Напярэдадні сустрэчы з Прэзідэнтам Беларусі віцэ-прэзідэнт Кубы ў ліку кіраўнікоў замежных дэлегацый прыняў удзел у V Еўразійскім эканамічным форуме. 
