Крыптасфера і адытыўныя тэхналогіі. Турчын правёў пасяджэнне Наглядальнага савета ПВТ
17 верасня, Мінск . Прэм’ер-міністр Беларусі Аляксандр Турчын правёў пасяджэнне Наглядальнага савета Парка высокіх тэхналогій,
«Мы сёння праводзім чарговае пасяджэнне Наглядальнага савета ПВТ. На парадку дня — рэгістрацыя новых рэзідэнтаў Парка высокіх тэхналогій і адабрэнне новых бізнес-праектаў. Яшчэ адна важная тэма — уключэнне новага віду дзейнасці з прымяненнем адытыўных тэхналогій. Не можам абысціся і без крыптасферы. Фактычна кожнае пасяджэнне Наглядальнага савета так ці інакш з гэтым звязана», — сказаў Аляксандр Турчын.
На пасяджэнні абмяркоўваўся шэраг пытанняў, звязаных з удасканаленнем развіцця сферы лічбавых знакаў (токенаў). Як адзначыў у размове з журналістамі першы намеснік начальніка Сакратарыята Наглядальнага савета Парка высокіх тэхналогій Дзмітрый Калечыц, гэты фінансава-тэхналагічны сектар развіваецца вельмі дынамічна. «Усе ключавыя паказчыкі развіцця — гэта і выручка, і экспарт, і грашовы абарот, і падаткі, якія выплачваюцца крыптарэзідэнтамі, — выраслі больш як у два разы адносна першага паўгоддзя мінулага года», — сказаў ён.
На пасяджэнні разгледжана пытанне, звязанае з далейшым удасканаленнем узаемадзеяння заяўнікаў і крыптарэзідэнтаў з аўдытарскімі кампаніямі. «Толькі дзве аўдытарскія кампаніі мелі магчымасць узаемадзейнічаць з нашымі заяўнікамі і крыптарэзідэнтамі. Пералік пашыраецца да сямі кампаній», — абазначыў Дзмітрый Калечыц.
Таксама ўдакладнены заданні, якія павінны быць у справаздачах, што прадстаўляюцца кожны год крыптарэзідэнтамі ў Сакратарыят Наглядальнага савета ПВТ. Дадаткова ўведзены патрабаванні па асвятленні пытанняў аб адпаведнасці шэрага бізнес-працэсаў патрабаванням заканадаўства і актам Наглядальнага савета.
Акрамя таго, разгледжаны шэраг пытанняў па ўдасканаленні работы крыптарэзідэнтаў у галіне процідзеяння незаконным аперацыям, кібермахлярству. Пасля прыняцця заканадаўчых змяненняў плануецца, што крыптарэзідэнты ПВТ змогуць узаемадзейнічаць з аўтаматызаванай сістэмай апрацоўкі інцыдэнтаў Нацыянальнага банка (АСАІ). Разгледжаны падыходы да арганізацыі гэтага працэсу і тое, якім чынам крыптарэзідэнты павінны рэагаваць на інфармацыю, якая паступае з гэтай сістэмы.
Фота Мікалая Пятрова
