Колькі прафілакторыяў для цялят пабудавана ў Беларусі да пачатку кастрычніка, расказалі ў Мінсельгасхарчы
Фота з архіва 5 кастрычніка, Мінск . У Беларусі да пачатку кастрычніка пабудавана і ўведзена ў эксплуатацыю 533 прафілакторыі для ўтрымання цялят. Аб гэтым паведамілі ў прэс-службе Мінсельгасхарча.
Больш за ўсё аб’ектаў з’явілася ў Гомельскай вобласці — 163. У Мінскай вобласці ўзвялі 111, Гродзенскай — 102, Віцебскай — 72, Магілёўскай — 46, Брэсцкай — 39 спецыялізаваных памяшканняў.
Сучасныя прафілакторыі для цялят будаваліся ва ўсіх рэгіёнах па даручэнні Прэзідэнта для захаванасці маладняку і падрыхтоўкі жывёлагадоўлі да зімова-стойлавага перыяду.
